Foreldreklubben

Foreldra er den aller viktigaste ressursen rundt barna – dei som er tettast på, kjenner dei best og har størst moglegheit til å støtte dei i å finne og utvikle superkreftene sine. Samtidig kan foreldrerolla vere krevjande. Det er ikkje alltid lett å vite korleis ein best kan hjelpe barnet til å gjere gode val om framtida. Foreldreklubben gjer det enklare å vere ein god støttespelar, ved å samle ressursar, erfaringar og inspirasjon – og ved å gjere heile lokalsamfunnet til ein ressurs for deg som forelder.

Når du melder deg inn i Foreldreklubben, får du tilsendt gratis bøker og brosjyrer, invitasjonar til gratis arrangement, sosiale samlingar og webinar. Du får tilgang til spesialistar, svar på spørsmål du lurer på, og eit nettverk av andre foreldre som deler erfaringar og støttar kvarandre. Alt dette utan at det krevst noko verv eller innsats frå deg – berre lyst til å ta imot det vi deler.

Gå til skjema

"*" indicates required fields

Om medlemskapet

Foreldreklubben er heilt gratis å vere med i. Som medlem får du invitasjonar til gratis samlingar og tilsendt materiell som bøker og brosjyrar utan kostnad. Foreldreklubben er ein del av Jakta på Superkreftene, og vert finansiert og testa ut i Nordfjord med støtte frå Sparebankstiftinga Sogn og Fjordane og Agenda Vestlandet – Stiftinga frå Sparebanken Norge.

Nordfjordkompaniet er den ideelle foreininga som står bak klubben. Vi nyttar kontaktinformasjonen din til å sende ut nyhendebrev, e-postar og relevant materiell. Du kan når som helst oppdatere eller trekke tilbake kontaktinformasjonen ved å ta kontakt med oss. Alle opplysningar vert behandla i tråd med personvernregelverket.

Målet er å hjelpe deg å støtte barnet i å:

Oppdage eigne superkrefter
Lære om moglegheitene i lokalsamfunnet
Auke kunnskapen om å velje inn – og velje vekk
Bygge eit sterkt nettverk og samle erfaringar
Få ei stor verktøykasse for å ta gode val om framtida

Foreldreklubben er ein gratis medlemsklubb for alle foreldre i Nordfjord. Vi jobbar saman for å gi barna våre eit betre utgangspunkt enn nokon annan stad – med meir nettverk, erfaring, lokalkunnskap og sjølvinnsikt. Når barna våre seinare skal velje utdanning og yrke, vil dei ikkje berre stå sterkare – dei vil ha større sjanse til å finne ein jobb der dei elskar det dei gjer, og gjer det dei elskar. Det ønskjer alle foreldre for barna sine, og i Foreldreklubben gjer vi det mogleg gjennom fellesskap, kunnskap og samskaping.

Foreldreklubben

Kontaktinformasjon

Om medlemskapet