Superlærling

Korleis skal vi gjere Nordfjord til verdas beste plass å vere lærling? Og korleis skal vi få endå fleire til å velje yrkesfagleg utdanning og bli lærlingar i Nordfjord? Dette var utfordringane våre då vi starta Superlærling (tidlegare Nordfjord Opplæringskontor) tilbake i 2016.

Som lærling er du kommunane og næringslivet sin viktigaste ressurs for framtida. Det å vere lærling skal ikkje vere basert på tilfeldigheiter. Difor etablerte vi Superlærling for å ta vare på deg gjennom heile læreløpet saman med våre fantastiske lærebedrifter. Som superlærling skal du oppleve kvalitet i alle ledd, og du skal kjenne at du blir tatt vare på – både på jobb og i fritida. For oss er kvar einskild superlærling heilt unik.

Saman med lærebedriftene våre har vi skapt eit heilt unikt team som vil følgje deg tett gjennom heile læretida og gi deg ei rekkje tilbod. Vi hjelper deg med både store og små utfordringar i kvardagen.

Gjennom tett oppfølging frå både oss og instruktøren din i lærebedrifta skal vi sørge for at du trivst best mogleg og blir akkurat så god som du sjølv ynskjer å bli i ditt fag. Når vi legg til dei mest spennande lærebedriftene og læreplassane i landet, med fantastiske fritidsaktivitetar, er det berre å gjere seg klar for ei fantastisk læretid. Vi skal gjere alt for at læretida di blir noko du kan sjå tilbake på med glede og hugse som ei fantastisk tid resten av livet ditt.